بعد سلسلة من الأزمات.. منة عرفة تعتذر لـ إلهام شاهين وأشرف زكي – المحرر العربي

الأربعاء 22/يناير/2025 – 09:59 م

اعتذرت الفنانة الشابة منة عرفة عن تصرفاتها السابقة تجاه الفنانة إلهام شاهين، والدكتور أشرف زكي، نقيب الممثلين، والتي كانت على غرارها تدخلت في العديد من الأزمات مع زملائها في الوسط الفني.

وفي رسالة خاصة لـ إلهام شاهين كتبت منة عرفه على حسابها الخاص إنستجرام: أستاذتنا ونجمتنا الكبيرة وقدوتنا اللي دايما بنفتخر بيها، دايما بكون مبسوطة وفرحانة بحضرتك لما بشوفك في أي احتفالية أو مهرجان أو تكريم، لأنك بجد تستاهلي كل التقدير والاحترام والمحبة، أنا عايزة أستغل الأيام الجميلة المفترجة اللي احنا فيها دلوقتي وأقولك كل سنة وحضرتك طيبة وجميلة، وقلبك طيب وجميل وأبيض زي ما اتعودنا عليه، وناجحة وبخير دايما يا رب، وأعتذرلك وأقولك أنا آسفة عن أي حاجة صدرت مني تجاه حضرتك في يوم من الأيام أنا مكنتش أقصدها، أنا بحبك وبحترمك جدا وبقدرك وبقدر فنك.

كما وجهت رسالة أيضًا للدكتور أشرف زكي، قائلة: نقيبي وأستاذي ومعلمي والأب الروحي ليا ولينا كلنا، بعتذرلك عن أي حاجة ضايقتك مني في يوم من الأيام، أو أي حاجة صدرت مني بدون قصد تجاه حضرتك كلنا أولادك وبنتعلم منك، وأنا أولهم وآسفة لحضرتك على أي لحظة حضرتك اتضايقت فيها وكنت أنا السبب، حتى لو كانت مش مقصودة.

ومن ناحية أخرى، تواصل منة عرفة تصوير مسلسل جديد بعنوان وتقابل حبيب، بطولة ياسمين عبد العزيز تأليف عمرو محمود ياسين وإخراج محمد خبيري.